Ведомстводо белгилегендей, УКМКнын жетекчисинин жакындагы отставкасы менен байланыштуу, улуттук коопсуздук органдарынын ишин дискредитациялоого багытталган айрым кызыкдар тараптардын аракеттери байкалууда.
«Жарияланган билдирүүлөр жана алардын интерпретациялары бир тараптуу болуп, жарандардын мамлекеттик институттарга болгон ишенимин бузууга багытталган», - деп белгилешти УКМКда.
Маалымат кызматында ошондой эле, улуттук коопсуздук органдары Конституцияга жана өлкөнүн мыйзамдарына ылайык иш алып барууда, мыйзамдуулук, объективдүүлүк жана коомдук жоопкерчилик принциптерин сактап жатышканын баса белгилешти.
«Ведомствонун ишинин приоритети мамлекеттин коопсуздугун, конституциялык тартипти, жарандардын укуктарын жана эркиндигин коргоо, ошондой эле терроризм, экстремизм жана коррупция сыяктуу коркунучтарга каршы туруу болуп саналат», - деп кошумчалашты билдирүүдө.
УКМКда бардык суроолор жана шектенүүлөр мыйзамдык чөйрөдө, фактыларга жана текшерилген маалыматка негизделип каралышы керектигине ишенишет. Доказательствасыз мамлекеттик структураларды дискредитациялоого болгон аракеттер конкреттүү ведомствого гана эмес, коомдогу жалпы ишеним деңгээлине да зыян келтирет.
Ведомстводо коомчулуктун өкүлдөрүн, ошондой эле ЖМКларды жана жогорку кызматтагы чиновниктерди УКМК кызматкерлерине каршы катуу сын-пикирлерден алыс болууга чакырышты.
«Кызматкерлер өз милдеттерин аткарууда адал жана жогорку жоопкерчилик менен иштешет. Мамлекеттин коопсуздугун камсыздоо боюнча иштер улантылат, элдин жана мамлекеттин кызыкчылыгында системалуу жана принципиалдуу түрдө жүргүзүлөт», - деп ишендиришти маалымат кызматында.
