Социалдык тармактардагы баракчасында Карасартова мыйзам боюнча, камактагыларга жакындары менен аптасына бир жолу 15 мүнөт телефон аркылуу сүйлөшүүгө укугу бар экенин белгиледи, бирок анын айтымында, бул укук аткарылбай жатат.
ГСИНдин басма сөз кызматы Карасартованын айыптоолоруна жооп берип, анын сөздөрүн четке какты.
Ведомствонун өкүлдөрү СИЗОго киргенде камактагылар укуктары жана милдеттери, ошондой эле мекеменин тартиби жана режимине таанышып чыгарын түшүндүрүштү. Алардын айтымында, жарандар бул маалыматты алгандыгы тууралуу документтерге кол коюшат.
Ошондой эле басма сөз кызматы ички тартип боюнча эрежелердин көчүрмөлөрү камактагы адамдардын камераларында маалымат стенддеринде жайгаштырылганын тактады.
ГСИН учурдагы мыйзамдарга ылайык иш алып барганын жана сотто өз позициясын коргоого даяр экенин белгиледи.
