Расмий маалыматта пресс-кызматы ведомствонун ишинде мыйзам тарабынан каралган кызматтык наамдар жана кызматтар гана колдонулары белгиленди.
«Кличкалар жана расмий эмес аталыштар тууралуу маалыматтар чындыкка дал келбейт жана биздин комитеттин кадрлык практикасына тиешеси жок. Мындай белгилер расмий ишмердүүлүктүн чегинен тышкары пайда болот жана ведомствонун позициясын көрсөтпөйт», - деп тактады пресс-кызматы.
Мындан тышкары, таралган видеодо ойдон чыгарылган ысымдар жана «бузулган маалыматтар» бар экендиги белгиленди.
«Бул материалдар кызыкдар тараптар тарабынан таралып, УКМКнын иши боюнча жалган коомдук пикирди түзүүгө багытталган», - деп эсептешет ведомстводо.
УКМК ошондой эле өз иши «катуу мыйзамга ылайык келет жана кызматтык тартип менен кесиптик этика принциптерине негизделет» деп кошумчалап, текшерилбеген маалыматтарды таратуудан качууга чакырды.
