Окуя 26-февралда болуп, саат 13:06да милицияга Чалдовар айылындагы бир үйдө өлгөн эркек киши табылганы тууралуу маалымат келип түшкөн.
Окуя болгон жерге тергөө-оперативдик топ чыгып, ошол эле күнү эртең менен 50 жаштагы айыл тургуну 68 жаштагы коңшусу менен дасторкон жайып, алкоголь ичимдиктерин ичип отурганын аныктады. Алкоголь ичкен учурда алардын ортосунда конфликт чыгып, ал жакын арада мушташка айланды. Мушташ учурунда үйдүн ээси бычак алып, коңшусун санынан сайып жиберди. Ал алган жаракатынан жана кан жоготуу себептүү каза болуп калды.
Бул факт боюнча Кыргыз Республикасынын Кылмыш кодексинин 130-беренеси ("Ден соолукка оор зыян келтирүү") боюнча кылмыш иши козголду.
Милиция кызматкерлери шектүүнү 1976-жылы туулган Ш.Р. аттуу адамды ыкчам кармашты. Ал убактылуу кармоо жайына жайгаштырылды.
Учурда тергөө иштери жүргүзүлүүдө.
