Операциянын жүрүшүндө 50 пакет синтетикалык наркотиктер алынган
Бишкек ШИИБинин наркотиктердин мыйзамсыз жүгүртүүсүнө каршы күрөшүү кызматына келип түшкөн маалыматка ылайык, Первомай районунда синтетикалык наркотиктерди закладка аркылуу сатуу менен алектенген адамдар аныкталган.
«Притон» профилактикалык акциясынын алкагында жүргүзүлгөн оперативдүү-издөө иш-чараларынын натыйжасында эки өспүрүм кармалган: 2006-жылы туулган А.Б. жана 2007-жылы туулган А.Т. Тергөө иш-чаралары учурунда алардан наркотикалык заттар менен толтурулган 50 пакет табылган. Алар тыюу салынган заттарды Telegram-каналдардын биринен алып, андан кийин шаар боюнча бөлүп, жашырып келишкен.
Кармалгандарга Кыргыз Республикасынын Кылмыш-жаза кодексинин 282-беренеси боюнча, наркотиктерди жана психотроптук заттарды мыйзамсыз даярдоо максатында сатууну көздөгөн кылмыш иши козголгон.
Оперативдүү иш-чаралар учурунда кызматтык-издөө иттерин тартуу менен кармалгандардын биринин батиринде тинтүү жүргүзүлгөн. Тинтүү учурунда электрондук таразалар, упаковка материалдары, скотч, термоусадочные түтүктөр, кол каптар, бет каптар жана наркотиктерди бөлүштүрүү үчүн колдонулган башка буюмдар алынган.
Эки шектүү Кыргыз Республикасынын Кылмыш-процессуалдык кодексинин 96-беренесине ылайык, убактылуу кармоо жайына жайгаштырылган. Тергөө уланууда.
Сүрөт www
