Human Rights Activists in Iran (HRANA) уюмунун маалыматы боюнча, каза болгондордун арасында 742 тынчтык тургуну, анын ичинде 176 бала бар.
Фото IRNA. Иранда Минаб шаарындагы башталгыч мектепке болгон чабуулдун натыйжасында каза болгон 165 кыздын жерге берүү церемониясы өттү
Ошол эле учурда Иранда Минаб шаарындагы окуу жайына болгон чабуулдун курмандыгы болгон 165 кыздын жерге берүү церемониясы өттү.
Кызыл Жарты Ай уюму 153 аймакка багытталган 1 039дан ашык ракета чабуулу болгонун жана 504 объекттин жабыркаганын билдирди.
Бүгүн Израиль Ливандын түштүгүндө жердеги операцияны баштады. Коргоо министри Исраэль Кац өлкөнүн Куралдуу Күчтөрүнө «Ливандагы кошумча стратегиялык аймактарды басып алуу жана чабуул жасоо» буйругун бергенин билдирди.
Расмий билдирүүдө бул аракеттер «Израильдин чек ара аймактарына болгон чабуулдарды алдын алуу» максатын көздөп жаткандыгы белгиленген.
ЦАХАЛ Ливандын түштүгүнө кирип, айрым позицияларды көзөмөлгө алды. Израиль армиясынын басма сөз кызматы операциянын максаты «Хезболла» инфраструктурасына сокку уруу экенин билдирди.
