Арыз берүүчүнүн айтымында, шектүү Sony FX30 видеокамерасын, Sigma 24–70 объективин, 256 ГБ Pergear флеш-картасын жана Tilta Full клеткасын алып, андан кийин байланышка чыкпай, жабдыктарды кайтарган эмес.
Мындай аракеттердин натыйжасында техниканын ээси 276 255 сомдук зыян тарткан.
Бул жагдайларга байланыштуу Октябрь районунун УВДсы тергөө иштерин баштап, Кыргыз Республикасынын Кылмыш кодексинин 209-беренеси "Алдамчылык" боюнча кылмыш ишин ачты.
Оперативдүү-издөө иш-чараларынын жүрүшүндө милиция шектүүнү - 1998-жылы туулган А. О.ду аныктап, кармады. Ал тергөө кызматтарына жеткирилди жана Кыргыз Республикасынын Кылмыш-процессуалдык кодексинин 96-беренесине ылайык, Бишкек шаардык ички иштер башкармалыгынын убактылуу кармоо жайына жайгаштырылды.
Тергөө уланууда.
