Баткен облусунун ИИБнин маалымат кызматынын сүрөтү. Шектүү
ИИБдин маалымат кызматы 58 жаштагы жергиликтүү тургун полицияга арыз менен кайрылганын билдирди. Ал февраль айында интернетте белгисиз адам менен байланышып, виза алуу боюнча жардам сураган. Шектүү, орус операторунун номерин колдонуп, жабырлануучунун паспорттук маалыматтарын алган.
Кийинчерээк жабырлануучунун атына мобилдик банкинг аркылуу 50 миң сомдук эки онлайн-кредит алынганы аныкталды.
Оперативдик иш-чаралардын натыйжасында укук коргоо органдарынын кызматкерлери акчалар К.Х. аттуу жарандын банктык эсебине которулганын аныкташты. Шектүү Чычкан-Сай аймагында жайгашкан кафелердин биринде иш ордунда кармалды жана тергөө органдарына жеткирилди.
Шектүүгө «Алдамчылык» беренеси боюнча кылмыш иши козголду. Кылмыштын бардык жагдайларын аныктоо жана шектүүнүн аракеттерин баалоо үчүн тергөө жүргүзүлүүдө.
