Укук коргоо органдарынын маалыматына ылайык, кармалган Т.М.Ш., Ош облусунун Араван районунда жашаган, жергиликтүү калк арасында экстремисттик идеяларды активдүү жайылткан. Ал учурдагы конституциялык түзүлүштү кулатууга жана «халифат» түрүндөгү теократиялык мамлекет түзүүгө чакырган. Мындан тышкары, ал Жакынкы Чыгыштагы куралдуу мыйзамсыз топтордун катарында конфликтке катышуу үчүн адамдарды жалдоого аракет кылган жана Кыргызстандын аймагында террордук актыларды уюштурууну пландаштырган.
Контртеррористтик операциянын жүрүшүндө шектүү Стамбулда кармалган. 16-мартта ал МУКК кызматкерлеринин жардамы менен Кыргызстанга кайтарылган.
Учурда бул иш боюнча тергөө жүргүзүлүүдө.
