Коомдук коопсуздук органдарынын маалыматына ылайык, «Ак-Буура» бөлүмүнө электр тармактарынан арыз түшкөн. Арызда 27-февралда, саат 11:00дөн 12:00гө чейин белгисиз адам Раззаков көчөсүндө жайгашкан ТП-214 подстанциясына кирип, 400 ампер кубаттуулуктагы 12 автоматтык өчүргүчтү уурдап кеткендиги айтылган.
Ошол эле күнү Салиева көчөсүндөгү ТП-3 подстанциясында дагы ушундай окуя болуп, ПН-2 моделиндеги 400 ампер кубаттуулуктагы тогуз автоматтык өчүргүч уурдалган.
14-мартта жүргүзүлгөн ыкчам иш-чаралардын натыйжасында милиция кызматкерлери 1995-жылы туулган Баткен облусунун Сулюкта шаарында жашаган 30 жаштагы У.Н. аттуу эркекти кармашты.
Алдын ала маалыматтар боюнча, кармалган адам уурдалган бөлүктөрдү түстүү металлдарды кабыл алуучу пункттарда сатуу ниети менен уурдоо фактыларын мойнуна алган. Кармалганда анын сумкасынан сатууга үлгүрбөгөн уурдалган элементтердин бир бөлүгү табылган.
Ага «Уурдоо» беренеси боюнча кылмыш иши козголду. Шектүү убактылуу кармоо жайына киргизилди, жана буга чейин ал тоноо үчүн соттолгондугу белгиленет.
