Шектүү башка уурулуктарга да тиешеси болушу мүмкүн
Бишкекте мечитте мобилдик телефон уурдоого шектелген эркек киши кармалды. Бул тууралуу Ленин районунун Ички иштер башкармалыгынын басма сөз кызматы маалымдады.
2026-жылдын 27-январында укук коргоо органдарына К.С. аттуу жаран расмий арыз менен кайрылып, аталган диний мекемеде Redmi маркасындагы телефондун уурдалганын билдирген.
Бул окуя боюнча Кыргыз Республикасынын Кылмыш-жаза кодексинин 205-беренеси (Уурулук) боюнча кылмыш иши козголду.
Оперативдүү-издөө иш-чараларынын натыйжасында милиция шектүүнү 2008-жылы туулган С.А. аттуу жаранды аныктап, кармоого жетишти. Ал Тергөөнү жүргүзүү кызматына жеткирилди жана Кыргыз Республикасынын Кылмыш-процессуалдык кодексинин 96-беренесине ылайык Бишкек ШИИБнин убактылуу кармоо жайына жайгаштырылды.
Учурда тергөөдө анын дагы эки окшош кылмышка тиешеси болушу мүмкүн деген негиздер бар.
сүрөт www
