Мелис Турганбаев Кадыру Маликовго травматикалык тапанча белек кылды
Ички иштер министри менен теологдун ортосундагы сүйлөшүүлөрдө негизги маселелер Кыргызстандан диний абал жана терроризм менен диний экстремизмге каршы күрөшүү чараларын кабыл алуу болду. Турганбаевдин айтымында, экстремизмге каршы күрөшүүнүн негизги методу – анын алдын алуу. Ал Маликовго ИИМ кызматкерлери калк менен, өзгөчө өлкөнүн түштүгүндө, диний адамдардын концентрациясы жогору болгон жерде, үзгүлтүксүз жолугушууларды өткөрүп жатканын билдирди.
– Бүгүнкү күндө актуалдуу көйгөйлөрдүн бири – терроризм. Аны менен күрөшүү үчүн гана жазалоочу чаралар натыйжалуу эмес, алдын алуу иштерин жүргүзүү зарыл. Бул маселеде «Дин, укук жана саясат» көз карандысыз аналитикалык борборунун, ДУМКнын, жергиликтүү бийлик органдарынын, мектептердин жана коомдун ролу абдан чоң. Негизинен, биз биргеликте алдын алуу иш-чараларына басым жасашыбыз керек. Келечек биздин колубузда. Биз биргеликте экстремизм жана кылмыштуулукка жол бербейбиз, – деди КР ИИМ башчысы.
Жолугушуунун аяктоосунда Турганбаев Маликовго өзүн коргоо үчүн газотравматикалык пистолет белек кылды. Ошондой эле министр Кадыры Маликовго кол салууга шектелгендердин бирин Түркиядан Бишкекке экстрадициялоо боюнча маалыматтарды бөлүштү. Эскерте кетсек, Бишкекте 2015-жылдын 27-ноябрында, ИГИЛди сынга алып, орто исламды жактаган белгилүү теологго кол салуу болгон.
