Милиция жана наркотиктерди көзөмөлдөө кызматтары мындай мекемелер боюнча рейддерди күчөттү
Кыргыз Республикасынын Ички иштер министрлигине караштуу наркотиктердин мыйзамсыз жүгүртүүсүнө каршы күрөшүү кызматы Бишкектеги «Антикино» кинотеатрында рейд өткөрдү.
Ички иштер министрлигинин маалымат кызматынын маалыматына ылайык, Усенбаев көчөсүндөгү мекемелердин биринде алкоголь ичип жаткан жашы жете элек өспүрүмдөр жана наркотиктердин таасиринде болгон башка коноктор табылган.
Окуя болгон жерге кармалган өспүрүмдөрдүн ата-энелери чакырылган. Андан кийин жашы жете элек өспүрүмдөр балдар боюнча инспекторго өткөрүлдү.
«Мекеменин администрациясы коопсуздук нормаларын бузгандыгы жана жаштардын мыйзамсыз аракеттерине шарт түзгөндүгү үчүн жоопкерчиликке тартылат. Свердлов райондук ички иштер бөлүмү бул окуя боюнча текшерүүнү улантууда. Мындай мекемелер жаштар үчүн кооптуу болушу мүмкүн жана наркотиктердин жайылышына шарт түзүшү мүмкүн», - деп белгиленди наркотиктердин мыйзамсыз жүгүртүүсүнө каршы күрөшүү кызматында.
