Ведомствонун маалыматына ылайык, бул акциянын алкагында сирия элине негизги азык-түлүктөр, анын ичинде ун, күрүч, кант жана өсүмдүк майы берилди.
Бул гуманитардык акция мамлекет башчысынын жана кыргыз элинин тынчтыкты, коопсуздукту бекемдөөгө жана муктаждарга гуманитардык жардам көрсөтүүгө болгон умтулуусун көрсөтөт.
Сирия өкмөтүнүн өкүлдөрү, Сирия Араб Республикасының президенти Ахмед Хусейн аш-Шараа атынан, кыргыз элине жана анын лидерине ыраазычылык билдиришти. Алар бул колдоонун учурдагы мезгилде өзгөчө маанилүү экенин жана сириялыктар Кыргызстан тарабынан сунушталган демилгени туугандык жардам катары карап жатканын белгилешти.
Жолугушуу учурунда тараптар бир катар көйгөйлүү маселелерди, ошондой эле регионалдык күн тартибиндеги актуалдуу темаларды жана эки тараптуу кызматташтыктын келечегин талкуулашты.
