2015-жылдан бери бул инициатива Кыргызстанда ишке ашырылууда
Кыргызстанда 2025-жылдын 27-октябрында «Дүйнөлүк жыйноо күнү» кампаниясы башталат, бул тууралуу Кыргыз Республикасынын Улуттук банкы маалымат берди.
Бул масштабдуу инициатива 2015-жылдан бери Кыргыз Республикасынын Улуттук банкынын колдоосу менен жана мамлекеттик мекемелер, финансылык уюмдар, Депозиттерди коргоо агенттиги жана башка катышуучулар менен кызматташтыкта өткөрүлүүдө.
Дүйнөлүк жыйноо күнүнүн негизги максаты – жарандардын финансылык билим деңгээлин жогорулатуу, жыйноо маданиятын калыптандыруу жана финансылык ресурстарды рационалдуу пайдаланууга түрткү берүү.
27-31-октябрь аралыгында Бишкекте жана өлкөнүн башка региондорунда мамлекеттик органдар, коммерциялык банктар, камсыздандыруу компанияларынын өкүлдөрү жана билим берүү мекемелери менен кызматташтыкта Дүйнөлүк жыйноо күнү боюнча бир катар иш-чаралар өткөрүлөт. Бул ачык сабактар, лекциялар, интерактивдүү оюндар, экскурсиялар, ачык эшик күндөрү, конкурстар жана викториналар болот. Катышуучулар жыйноолордун мааниси, ошондой эле аларды сактоо жана көбөйтүү боюнча ар кандай ыкмалар тууралуу маалымат алышат.
Сүрөт www
