Чат-боттун веб-версиясы жаңы функцияга ээ болду
Google компаниясы өзүнүн өнүккөн чат-боту Gemini үчүн жаңы мүмкүнчүлүктү жарыялады. Эми бот сиздин Gmail электрондук почтаңызды анализдеп, «Google Диск» файлына кирип, Google Chat Workspace’теги билдирүүлөрдү карап чыга алат, деп билдирет Hi-Tech Mail.
Бул функцияны иштетүү үчүн «Терең изилдөө» (Deep Research) режимин включить кылуу керек. Жасалма интеллект каттарды, билдирүүлөрдү, таблицаларды, сүрөттөрдү, PDF документтерди, презентацияларды жана Google экосистемасында колдонулган башка файлдарды изилдеп, сапаттуу жоопторду берүү үчүн мүмкүнчүлүк алат.
Мисалы, сиз Gemini’ден «Google Диск» боюнча акыркы таблицаны карап чыгып, Google Chat’тагы кесиптешиңиз менен болгон диалогдон маалыматтарды толтурууну сурасаңыз болот. Google’дун билдирүүсүнө ылайык, жаңы функция продуктуну чыгарууда рыноктук анализ жүргүзүүгө жардам бере алат, команда документтеринен жана каттарынан алынган маалыматтарга таянып.
Колдонуучу өзү Gemini’нин кайсы кызматтарга кире алаарын тандайт. Сиз «Google Издөө» же Gmail гана калтыра аласыз, ошондой эле бардык кызматтарга бир эле учурда кирүүнү башкарсаңыз болот.
Бул функция веб-версияда бардык колдонуучулар үчүн жеткиликтүү, ал эми жылдын аягына чейин мобилдик чат-бот версиясына да кошулары күтүлүүдө.
Эскерте кетсек, Deep Research — бул Gemini үчүн инструмент, ал ар кандай булактардан, анын ичинде интернеттен, маалыматтарды терең анализдөөгө мүмкүнчүлүк берет. Бул функция 2024-жылдын декабрында Gemini’ге киргизилген, ал эми 2025-жылдын февралында ChatGPT’де да ушундай мүмкүнчүлүктөр пайда болгон.
Сүрөт www
