Жеткирүүлөрдүн өсүшү жана финансылык көрсөткүчтөр
- 2025-жылдын он айы ичинде медициналык товарлар борборлоштурулган түрдө 4 миллиард сомго жеткирилди, ал эми 2023-жылы бул көрсөткүч болгону 1 миллиардды түзгөн. Бардык жеткирүүлөр 2023-жылы тартылган 1 миллиард сомдук айланма каражаттарды колдонуу менен ишке ашырылды. "Биз чыгымдардын натыйжалуулугун жогорулатуу жана туруктуу өсүүнү камсыз кылуу жолдорун издеп жатабыз", — деп белгилешти "Кыргызфармациядан".
Эл аралык кызматташтык
- Ишкана Дүйнөлүк банк, ЮНФПА жана ЮНИСЕФ сыяктуу уюмдардан консультациялык жана техникалык жардам алууда. Бул кызматташтык логистиканы өнүктүрүүгө, цифрлаштырууну киргизүүгө жана сатып алуулар процессинин ачыктыгына жогорулатуу үчүн мыкты практикаларды колдонууга мүмкүндүк берет.
Сатып алуулар процессин цифрлаштыруу
- Kyrgyzpharm.med.kg платформасы активдүү колдонулууда. 2025-жылдын аягына чейин мамлекеттик порталдар менен интеграциялоо пландалууда, бул товарлардын, арыздардын жана калдыктардын кыймылын реалдуу убакытта көзөмөлдөөгө мүмкүнчүлүк берет.
Жаңы жумуш орундарын түзүү
- 2026-жылы жаңы регионалдык кампалардын ачылышы жана логистикалык долбоорлордун кеңейиши күтүлүүдө, бул кошумча жумуш орундарын түзүүгө жана региондордо дары-дармек менен камсыздоонун инфраструктурасын жакшыртууга алып келет.
Сапат жана контролдоо стандарттары
- 2025-жылдын башынан бери компанияда ички контролдоо системалары жана сатып алуудан жеткирүүгө чейин бардык этаптарда KPI киргизилген. "Кыргызфармация" сатып алуулар системасын модернизациялоону улантууда.
