Ташкентте эл аралык "Келечектин мурасы" сыйлыгынын биринчи жеңүүчүлөрүн сыйлоо аземи өттү. Лауреаттар статуэткалар жана дипломдор менен бирге 10 миң доллар өлчөмүндөгү акчалай сыйлыктарды алышты.
Иш-чарага Борбордук Азия жана Азербайжан президенттери катышып, сыйлоо аземи өткөн Ислам цивилизациясы борборун зыярат кылышты.
- "Эдебиет" категориясында жеңүүчү болуп Кыргызстандын эл жазуучусу жана ТЮРКСОЙдун башкы катчысы Султан Раев табылды.
- "Маданият" тармагында сыйлык Тажикстандын эл акыны Давлат Сафарзодого берилди.
- "Театр жана кино" номинациясында сыйлык Казакстандагы М. Авезов атындагы Улуттук драма театрынын артисти Еркебулан Дайировго ыйгарылды.
- "Музыка жана бий" категориясында сыйлык Азербайжандын эл артисти Алим Гасимовго тапшырылды.
- "Илим, билим жана санариптик технологиялар" тармагында жеңүүчү болуп Өзбекстан айыл чарба министрлигинин алдындагы Эл аралык борбордун орун басары жана айыл чарба илимдеринин доктуру Дилафруз Эгамбердиева табылды.
