ЕЭКтин пресс-кызматынын сүрөтү
Иш-чарага Евразия экономикалык биримдигине кирген беш өлкөдөн 300дөн ашык кызматкер жана расмий адамдар катышты. Чемпионатта 20 жаштан 60 жашка чейинки 106 жеңүүчү топтолду.
Спартакиада 26 түрдүү спорттун түрүн камтыды, алардын арасында мини-футбол, волейбол, баскетбол, чоң теннис, кросс, аркан тартуу, шахмат, шашка жана башка дисциплиналар бар.
ЕЭКтин энергетика жана инфраструктура министри Арзыбек Кожошев 100 метрге чуркоо жана мини-футбол боюнча жеңиш үчүн эки алтын медаль, ошондой эле тартылуу боюнча үчүнчү орун үчүн бронза медалын жеңип алды.
ЕЭКтин экономика жана финансылык саясат министри Бахыт Султанов бильярд турниринде алтын медаль, мини-футбол боюнча бронза медаль алды. Тартылуу боюнча биринчи орунду ЕЭКтин соода министри Андрей Слепнев ээледи. 3 километрге кросс боюнча күмүш медальды ЕЭКтин бажы кызматташтыгы министри Руслан Давыдов алды. ЕЭКтин атаандаштык жана монополияга каршы жөнгө салуу министри Максим Ермолович чоң теннис турниринде үчүнчү орунду ээледи.
Командалык турниринин жыйынтыгы боюнча энергетика жана инфраструктура министринин блогу абсолюттук жеңүүчү болуп, 44 медаль, анын ичинде 20 алтын медаль жеңип алды. Бакытжан Сагинтаев жеңүүчү кубокту Арзыбек Кожошевге тапшырды.
