Театрдын жетекчилиги мыйзамсыз негиздер менен жеке адамга берилген жерди кайтаруу боюнча сот процесси баштады. Соттук териштирүүлөр Нарын шаардык сотунда жана Нарын облустук административдик сотунда өтүп, театрдын пайдасына чечим кабыл алынды.
Бул иш боюнча акыркы өкүм 2025-жылдын октябрь айында Кыргыз Республикасынын Жогорку соту тарабынан чыгарылды.
2025-жылдын 18-ноябрындагы № 1851-б буйругуна ылайык, Мамлекеттик мүлк башкаруу агенттиги 0,15 гектар жер тилкесин мамлекеттик менчикке кайтарды, андан кийин ал театрдын оперативдик башкаруусуна өткөрүлдү.
Ведомствонун маалыматы боюнча, кайтарылган жер тилкесинин баасы болжол менен 33 миллион сомду түзөт.
Учурда театр жаңы үч кабаттуу имараттын долбоорун иштеп жатат, анда турак-жайга муктаж кызматкерлер үчүн кызматтык батирлер, ошондой эле борбордон жана коңшу өлкөлөрдөн келген жаш адистер үчүн жатакана жайгаштырылат.
