Кыргыз Республикасынын Улуттук коопсуздук мамлекеттик комитети тарабынан жүргүзүлгөн териштирүү натыйжасында Ош облусунун мамлекеттик жер ресурстары, кадастр, геодезия жана картография агенттигинин орун басары Ш.К.С. кармалды. Бул 55,36 гектар жер тилкесин жеке адамдардын кызыкчылыгында мыйзамсыз которуу жана өзгөртүү менен байланышкан иштин алкагында болду.
Териштирүү жүргүзгөндө кармалган адам, айрым кызмат адамдарыменен келишим түзүп, мыйзамдуу процедураларды бузуп, аталган жер тилкесинин максатын өзгөртүү менен жеке менчик укугу боюнча мамлекеттик акт чыгаргандыгы аныкталды.
2025-жылдын 20-ноябрында Ош шаардык соту аны УКМКнын убактылуу кармоо жайына камакка алуу тууралуу чечим кабыл алды.
Учурда бул иш боюнча териштирүү иштери улантылууда.
