Делегациянын курамына мамлекеттик катчы Марат Иманкулов, маданият, маалымат жана жаштар саясаты министри Мирбек Мамбеталиев, ошондой эле Президенттин администрациясынын саясатты иштеп чыгуу, мониторинг жана реформаларды талдоо бөлүмүнүн башчысы Октябрь Капалбаев кирди. Мындан тышкары, иш-чарага Маданият министрлигинин кызматкерлери, жергиликтүү бийлик өкүлдөрү жана археологдор катышты.
Сапарга катышуучулар Кум-Дөбө (Кочкор-Башы) археологиялык эстелиги, учурдагы казуулар жана тарыхый артефакттар менен таанышууга мүмкүнчүлүк алышты, ошондой эле бул объектилердин консервациясынын абалын талкуулашты.
Мындан тышкары, К.Коңурбаевдин үй-музейи жана Көк-Таш архитектуралык-археологиялык комплекси боюнча экскурсия өткөрүлүп, катышуучулар тарыхый объектилердин учурдагы абалы жана алардын сакталуусу тууралуу сүйлөшүштү.
Иш-чаранын натыйжасында мамлекеттик деңгээлде тарыхый- маданий мурастарды сактоо боюнча сунуштар жана регионду музейлик оформлениеси жана инфраструктураны жакшыртуу боюнча сунуштар формаланды.
