Бул тендердин максаты мамлекеттик стандартка ылайык «Мектепке чейинки билим берүү жана балдарды багуу» боюнча мектепке чейинки билим берүүнүн комплексдүү баасын жүргүзө алган уюмду аныктоо болуп саналат, деп маалымдады министрлик.
Тендерге көз карандысыз эксперттер жана билим берүү кызматтарынын сапатын мониторинг жүргүзүү жана баалоо боюнча тажрыйбасы бар профессионалдык уюмдар катыша алышат.
Мамлекеттик сатып алуулар порталынын маалыматы боюнча, бул кызматтар үчүн 6,6 миллион сом бөлүү пландалууда.
Мониторинг эки айдын ичинде, болжол менен 2025-жылдын декабрынан 2026-жылдын январына чейин аякталууга тийиш. Аналитикалык жана санариптик отчетторду түзүүгө бир ай бөлүнөт.
Жеткирүүчүлөрдөн арыздар 9-декабрга чейин кабыл алынат.
