Маалыматка ылайык, 2025-жылдын 19-сентябрында өкмөттүн 594 номерлүү токтому менен бекитилген «Бала бакча билим берүүнү өнүктүрүү үчүн жеңилдетилген кредит берүү – 2» долбоору бала бакчалардагы орун жетишсиздигин жоюуга жана балдардын аларга жетүүсүн арттырууга багытталган.
Темага байланыштуу окуңуз Бала бакча мекемелери үчүн жеңилдетилген кредиттерди болгону алты субъект алды
Бул демилгени ишке ашыруунун экинчи этабында жеке адамдар программага катышып, 2025-жылдын декабрына чейин кредиттерди ала алышат.
Программага катышуучу болуу үчүн Билим берүү министрлигинде бекитүү процедурасынан өтүү керек. Бул үчүн төмөнкү документтерди тапшыруу талап кылынат:
- министрге жөнөтүлгөн арыз;
- бизнес-план, анда концепция, формат, долбоордук кубаттуулук, негизги каражаттар, персонал жана бала бакчадагы түзүлгөн шарттар баяндалат;
- долбоордук-сметалык документация.
Экинчи этабында талапкерлер «Айыл банкында» жана «Элдик банкта» комиссиядан өтүшү керек.
Кошумча маалымат алуу үчүн төмөнкү телефонго кайрылыңыз: 0(312)663692.
