Каракол мамлекеттик жаратылыш паркын башкарган Каныбек Камаловдун айтымында, видео эки күн мурун Каракол дарыясынын жээгинде аңчы тарабынан тартылган. «Жаратылыш паркынын аймагында Кызыл китепке киргизилген көптөгөн жаныбарлар жашайт. Бул жерде так саны азырынча аныкталбаган 20 чамалуу кар барысы жашайт. Мындан тышкары, бизде көптөгөн аюулар бар. Бул жылы биздин аймакта мурда жок болгон бугу пайда болду. Ошондой эле, бул жерде архарлар, тоо козулары жана маралдар жашайт. Бул жаныбарлардын коопсуздукта болушу, көбөйүшү жана орманчылар тарабынан катуу көзөмөлгө алынышы үчүн бардык шарттар түзүлгөн», - деди Камалов.
Каракол мамлекеттик жаратылыш паркынын жалпы аянты 38 миң 250 гектарды түзөт.
Каракол мамлекеттик жаратылыш паркы Ысык-Көл облусунун Ак-Суй районунун түштүк-батыш бөлүгүндө жайгашкан. Чыгышта Ак-Суй орман чарбасы менен, батышта Джети-Огуз орман чарбасы менен, түштүктө мамлекеттик жер запасынын жерлери менен, түндүктө Ак-Суй тажрыйба-селекция станциясы менен чектешет.
Облустун борбору Каракол шаарынан жаратылыш паркынын чегине чейин 6 км. Аралыктар
Каракол мамлекеттик жаратылыш паркы 1997-жылдын 15-апрелиндеги өкмөттүн №225 токтомуна ылайык «Каракол мамлекеттик жаратылыш паркын уюштуруу» максатында түзүлгөн, уникалдуу жаратылыш комплекстерин, ормандарды, жаныбарлар жана өсүмдүктөр дүйнөсүнүн объектилерин сактоо, экологиялык, эстетикалык мааниси бар жаратылыш жана маданий ландшафттарды жакшы айкалышта пайдалануу, рекреациялык максатта колдонуу үчүн.
