Жаман ниеттүүлөр Улуттук банктын логотиптери жана банктын төрагасынын орун басарынын жасалма кол тамгасы бар жасалма документтерди түзүшөт. Бул алардын аракеттерине ишенимдүүлүк берүү үчүн жасалат.
«Мындай билдирүүлөргө эч кандай шартта ишенбеңиздер жана тааныш эмес адамдарга акча которбоңуздар. Эгерде сизде күмөн болсо, маалыматты расмий каналдар аркылуу текшерген жакшы», — деп баса белгиленет банктын билдирүүсүндө.
Улуттук банк жарандарга документтерди мессенджерлер аркылуу жөнөтпөй турганын, акча которууну талап кылбай турганын жана жеке адамдар менен түздөн-түз иштебей турганын эскертет.
Эгер сиз алдамчылардын курмандыгы болсоңуз, дароо банкыңыздын картасын блоктоп, укук коргоо органдарына кайрылыңыз.
