Жаңы имараттын аянты 16 миң чарчы метрди түзөт, анда төмөнкүлөр каралган:
- заманбап аудиториялар жана лабораториялар;
- студенттер жана магистранттар үчүн жатакана;
- китепкана, музей жана чоң конференц-зал;
- окутуучулар жана чет өлкөлүк адистер үчүн бөлмөлөр;
- обсерватория, оранжерея, ошондой эле спорттук жана медициналык блоктор;
- кызматкерлердин балдары үчүн атайын жай.
Жаңы имараттын курулушу 1,4 миллиард сомго бааланат, аны ОсОО «Бай Таш» компаниясы аткарат. Иштин аякташы 1,5 жылдан 2 жылга чейин созулары пландалууда.
Туманбаев ошондой эле подрядчиктердин өкүлдөрү жана башка жооптуу структуралар менен курулуштун сапаты жана коопсуздук нормаларынын сакталуусу боюнча маселелерди талкуулап, пайда болгон көйгөйлөрдү тез арада чечүү үчүн көрсөтмөлөрдү берди.
