Ал жалпы 79 кайрылуу жана билдирүү катталганын тактап, алардын көбү агитация учурундагы мыйзам бузууларына байланыштуу экенин айтты.
Макилов бардык маалыматтар текшерүүгө алынарын жана айрым кайрылуулар боюнча чечимдер кабыл алынганын кошумчалады. Бул багытта иш улантылат жана жыйынтыктар кийинчерээк маалымдалат.
Мындан тышкары, ал шайлоочуларды сатып алуу боюнча бир нече адамдын кармалганын, алар тергөө учурунда эки айга камакка алынганын белгиледи. Тергөө иштери уланууда.
Анткен менен, Макилов шайлоо күнү катуу мыйзам бузуу катталбаганын жана бардык маалыматтардын юридикалык баа берүү үчүн талданарын баса белгиледи.
