БШКнын мүчөсү 189 мыйзам бузуулар боюнча материалдар талданып, алардын 124ү мониторинг жүргүзүүчү атайын жумушчу топтун адистери тарабынан аныкталганын, ал эми 65и шайлоо процессинин катышуучуларынан келип түшкөнүн тактады.
Бекматов төрт талапкерге эскертүү берилгенин, 35 учур боюнча болсо 65-беренеге ылайык "Шайлоо алдындагы үгүт иштерин жүргүзүү шарттарын бузуу" жана 142-беренеге ылайык "Дин эркиндиги жана диний бирикмелер жөнүндө мыйзамдарды бузуу" боюнча айыппулдар салынганын, алардын көлөмү 7,5 миң сомду түзгөнүн билдирди. Ошондой эле 27 үгүтчүнү, талапкерлердин өкүлдөрүн жана ишенимдүү адамдарын 65 жана 66-беренелер боюнча "Талапкер жөнүндө жалган маалыматтарды таратуу" боюнча айыппулдар менен жазалаганын кошумчалады.
Мындан тышкары, ал жети юридикалык жак, анын ичинде ЖМК жана жарнама агенттиктери 66 жана 67-беренелер боюнча "Талапкердин ар-намысын, кадыр-баркын жана деловой репутациясын булгаган маалыматтарды таратуу" үчүн айыппул алганын белгиледи.
Кечээки күнгө карата салынган айыппулдардын жалпы суммасы 700 миң сомдон ашты. Бекматов ошондой эле түнкү саат бирге чейин тынчтык күнүнүн мыйзам бузуулары боюнча ар кандай материалдар боюнча арыздар каралып жатканын айтты. Бул багыттагы иштер улантылууда.
30-ноябрда Жогорку Кеңештин депутаттарын шайлоонун мөөнөтүнөн мурда өткөрүлөрүн эске салабыз.
