Көргөзмөгө коюлган сүрөттөр Баткен облусунун үч жаш тургуну — Назбийка, Сарвиноз жана Сирена тарабынан сүрөтчү Данил Усманов менен биргеликте түзүлгөн. Бул Solitude: Loneliness & Freedom долбоорундагы төрт айлык өнөр экспериментинин натыйжасы.
Балдар бир жолку фотоаппараттарды колдонуп, эч кандай көрсөтмөлөрсүз, күнүмдүк жашоосунун учурларын, туулган айылындагы атмосфераны жана үй-бүлөлүк окуяларды сүрөткө тартып алышты.
Ар бир сүрөт балдардын чоңдордун кийлигишүүсүз, айлана-чөйрөнү кандай кабыл алганынын жаркын жана эмоционалдык чагылдыруусу болуп саналат, деп белгилешет көргөзмөнүн уюштуруучулары.
«Биз сизди «Желдер жазы» көргөзмөбүзгө чакырууга кубанычтабыз», — деп кошумчалашты уюштуруучулар.
