Экологиялык нормалар сакталууга тийиш
Мэриянын маалыматына ылайык, борбордо банялар жана сауналардын смогго таасирин текшерүү иштери жүргүзүлүүдө. Процедура муниципалдык инспекция тарабынан жүргүзүлөт.
Рейддердин алкагында инспекторлор объектилерди изилдеп, жылытуу үчүн кандай отун түрлөрү колдонулуп жатканын аныкташат.
2-декабрдан 3-декабрга чейин 83 мекеме текшерилди. Алардын ичинен 49 объектиси катуу отун менен (көмүр жана жыгач) жылытылат, 8и газга жана электр энергиясына өттү, ал эми калгандары өз ишин токтотту.
Орозов көчөсүндөгү мекемелердин бири майда көмүр колдонгон, бул болсо күчүндө болгон нормаларга каршы келет. Ишкерге тиешелүү буйрук жазылды.
Инспекторлор экологиялык стандарттарды сактоонун маанилүүлүгүн, анын ичинде жылуулук үчүн иштелип чыккан майларды, таштандыларды жана башка уулуу материалдарды колдонууга тыюу салууну; жалбырактардын, чөптөрдүн жана үй таштандыларынын күйгүзүлүшүн; жана газ менен жылытууга өтүүгө чакырышты.
Бишкекте көрктөндүрүү эрежелерине ылайык, тигүү өнөр жайынын буюмдарын, унаа майларын, боёо материалдарын, пластик буюмдарды, резинаны жана башка уулуу материалдарды күйгүзүүгө тыюу салынат.
Сүрөт www
