Проблемаларга жооп катары инспекция баняларда, сауналарда, ишканаларда жана жеке үйлөрдө туруктуу текшерүүлөрдү жүргүзүүдө. Рейддердин негизги максаты тигүү өндүрүшүнүн калдыктарын, авто майларын, боёк материалдарын, пластикти, резинаны жана башка уулуу заттарды күйгүзүү фактыларын аныктоо.
2025-жылдын башынан бери инспекция 148 рейд өткөрүп, анын жүрүшүндө экологиялык нормаларды бузуунун 231 фактысы аныкталды. Жооптуу адамдарга жалпы суммасы 2 383 500 сомду түзгөн айыппулдар салынды.
Инспекция борбордун тургундарын экологиялык эрежелерди сактоого чакырат:
• пайдаланылган майларды, таштандыларды жана башка уулуу заттарды жылуулук үчүн колдонбоо;
• жалбырактары, чөптөрдү жана үй таштандыларын күйгүзбөө;
• мүмкүн болсо, газды камтыган экологиялык жактан таза отун түрлөрүн колдонуу.
•
Таштандыларды жана башка тыюу салынган материалдарды күйгүзгөн учурда Кыргыз Республикасынын укук бузуулар кодексинин 115-беренесинин 3-бөлүгүнө ылайык административдик жоопкерчилик каралган.
