Маданият министрлигинин басма сөз кызматынан билдиришкендей, бул документтен тышкары, экономика, билим берүү, саламаттык сактоо, айыл чарба, туризм, энергетика жана юридикалык маселелер, анын ичинде деңиз портторун пайдалануу сыяктуу ар кандай тармактарда өз ара аракеттешүүнү тереңдетүүгө көмөктөшүүчү бир нече келишимдер да кол коюлган.
Иш-чаранын жүрүшүндө кол коюлган документтер алмашылды. Президент Жапаров жана Пакистан премьер-министри Шахбаз Шариф эки мамлекеттин өз ара кызыкчылыктарын эске алуу менен кеңири кызматташтыкты өнүктүрүүнү максат кылган биргелешкен билдирүүнү да бекитишти.
