Анын маалыматына ылайык, аталган аймакта 15 000 көчөт отургузулду, алардын арасында грек жаңгагы, алма жана өрүк бар. Бардык көчөттөр демөөрчүлөрдүн каражатына сатып алынган.
«Жаңы дарактар үчүн тамчы суу берүү системасы орнотулду, аймак тосулуп, коргоого алынган. Ар бир жергиликтүү тургун өзүнө бекитилген дарактарга акысыз кам көрөт, алардын өсүшүн көзөмөлдөйт. 15 гектардык аймак НПО тарабынан толугу менен тосулду. Калган 10 гектар көктөмдө тосулат, анткени кар түшкөндүктөн, буга чейин жасоо мүмкүн болгон жок. Бул демилге экологияны жакшыртууга жана аймакты жашылдандырууга багытталган», - деди С. Караев.
