Биринчи этапта Аламедин жана Ала-Арча дарыяларынын жээктерин тазалоо иштери жүргүзүлүп, натыйжада 107 миң тонна таштанды чыгарылды.
Учурда шаарда жээк бекемдөө иштеринин жүргүзүлүп жатканы белгилүү. Бул процесс техникалык жактан татаал болуп, деталдуу даярдыкты талап кылат, бул болсо анын ишке ашыруу мөөнөтүнө таасир этет.
Ошондой эле дарыялар жана каналдар боюна мыйзамсыз курулуштарды бузуу иштери жүргүзүлүүдө, бул суунун эркин агышын камсыз кылууга, суу ташкындарын алдын алууга жана коопсуз экологиялык чөйрөнү түзүүгө мүмкүндүк берет. Учурда болжол менен 300 объекти бузулду, жана бул багыттагы иштер уланууда.
Темага байланыштуу Бишкектеги жээгин көрктөндүрүү 2026-жылга жылдырылды
Көрктөндүрүү иштеринин алкагында биринчи аяктаган долбоор «Алга» спорттук комплексинин алдында жайгашкан променад болуп, Абдрахманов жана Усенбаев көчөлөрүнүн ортосунда орун алат.
Мындан тышкары, ТЭЦ техникалык каналынын аймагында көрктөндүрүү иштеринин жүргүзүлүшү уланууда.
Бишкек шаардык курулуш жана архитектура башкармалыгы дарыялар жана каналдар боюна көрктөндүрүү боюнча эскиздик долбоорлорду иштеп чыкты жана учурда долбоордук-сметалык документация менен иштеп жатат. Бул иштер аяктагандан кийин бардык пландалган участкаларда көрктөндүрүү долбоорлорун ишке ашыруу башталат.
Мурда шаардык жээгин көрктөндүрүү маселеси борбордук кенештин жыйынында талкууланган.
