Жаңы кеңсе Vukovarska 10a дарегинде жайгашып, эки тараптуу байланыштарды бекемдөөгө, соода-экономикалык жана маданий-гуманитардык мамилелерди өнүктүрүүгө, ошондой эле Кыргызстандын жарандарына консулдук кызмат көрсөтүүгө арналат.
Ачылышта Венгриядагы Кыргызстандын Чрезвычайный жана Толук ыйгарымдуу элчиси Талантбек Кушчубеков, Риекадагы Почеттуу консул Боян Шиканич, ошондой эле Хорватиянын Тышкы жана Европа иштер министрлигинин, Риека шаарынын жана Приморско-Горан жупандык администрациясынын өкүлдөрү, жана башка чакырылган коноктор болушту.
Иш-чаранын жүрүшүндө урматтуу коноктор сөз сүйлөп, консулдук кеңсенин ачылышы кыргыз-хорват мамилелерин өнүктүрүү, региондор ортосундагы байланыштарды активдештирүү жана мамлекеттик жана бизнес структураларынын өз ара аракеттенүүсүн жакшыртуу үчүн маанилүүлүгүн белгилешти.
Расмий бөлүмдөн кийин Венгриядагы элчилик тарабынан даярдалган Кыргызстан тууралуу презентация көрсөтүлдү. Анда өлкөнүн табигый, туристтик, маданий жана экономикалык өзгөчөлүктөрү чагылдырылган. Презентация Кыргызстандын табийгатындагы ар түрдүүлүктү, улуттук маданияттын элементтерин жана соода жана маданият тармагындагы кызматташуу үчүн келечектеги багыттарды көрсөтүүчү видео материалдар менен коштолду.
