Бул маанилүү иш-чарага Кыргызстандын Венгриядагы элчиси Талантбек Кушчубеков, Риеке шаарындагы ардактуу консул Боян Шиканич, ошондой эле Хорватиянын тышкы жана европалык иштер министрлигинин жана жергиликтүү администрациянын өкүлдөрү, анын ичинде Риеке мэриясы жана Приморско-Горан жупандык администрациясы катышты.
Иш-чаранын расмий бөлүмүнөн кийин Кыргызстандын Венгриядагы элчилиги өлкөгө арналган презентация өткөрдү, анда анын маданий, табигый жана экономикалык потенциалы тууралуу маалымат берилди. Презентация табигый ар түрдүүлүктү жана улуттук маданияттын элементтерин көрсөтүүчү видео материалдар менен коштолуп, ар кандай тармактарда кызматташуу мүмкүнчүлүктөрүн баса белгиледи.
