4-5-декабрда Бишкекте «Корея жана Борбордук Азия 2025 экономикалык кызматташтык аянтчасы» өтөт, бул иш-чара Корея Республикасынын Соода, өнөр жай жана энергетика министрлигинин колдоосу менен KOTRA корей агенттиги тарабынан уюштурулган. Бул тууралуу «Дордой Страхование» акционердик коомунан билдиришти.
Бул иш-чаранын негизги максаты – кичи жана орто бизнес үчүн сатуучу каналдарга жетүүнү камсыз кылуу, ошондой эле сертификаттоо, логистика жана биргелешкен долбоорлорду ишке киргизүү боюнча маалымат берүү, бул өз кезегинде корей-кыргыз өнөктөштүгүн бекемдөөгө жардам берет.
Иш-чаранын алкагында бизнес-форум жана корей камсыздоочулары менен потенциалдуу кардарлардын, ошондой эле Кыргызстан, Казакстан жана Өзбекстандан келген профилдик уюмдардын ортосунда жеке жолугушуулар пландалууда.
Мындан тышкары, «Дордой плаза» имаратында экинчи кабатта корей товарларынын көргөзмөсү өтөт.
Иш-чарага Кыргыз Республикасындагы Корея Республикасынын элчиси, Сырткы иштер министрлигинин, Экономика жана соода министрлигинин өкүлдөрү, ошондой эле Кыргызстан, Казакстан жана Өзбекстан рынокторуна товарларды экспорттоого кызыкдар корей компаниялары, дистрибьюторлор, ритейлерлер, логистика операторлору жана кеңешчилер катышат.
