Салтанаттуу сөзүндө орун басар мэр Кыргызстан менен Кореянын ортосундагы маданий алмашуунун маанисин белгиледи. Ал мындай иш-чаралар эки элдин достугун бекемдөөгө жана Бишкектин тургундарына корей салттарын жана ашпозчулук мурасын тереңирээк таанууга мүмкүнчүлүк берет деп айтты.
Фестивальдын алкагында мини-жармака уюштурулуп, келгендер корей тамактарын татып көрүп, косметика жана улуттук кийимдер менен таанышып, кимчи даярдоо боюнча мастер-класска катышышты. Студенттердин салттуу жана K-pop бийлери фестивалга өзгөчө жандуулук кошту. Фестиваль кимчи дегустациясы менен аяктады, каалаган адам бул белгилүү корей тамагын татып көрө алды.
