Red Jolbors Fest - бул борбордук Азиянын реклама фестивалы, ал жыл сайын Бишкекте өтөт. Ал борбордук Азиянын маркетинг жана реклама рыногун билим берүү лекциялары жана семинарлар аркылуу, ошондой эле эң жакшы реклама конкурсу аркылуу өнүктүрүүгө арналган.
Быйылкы жылы калыстар алкагына DDVB брендинг агенттигинин ээси жана креативдик директору Дмитрий Перышков төрагалык кылат.
Red Jolbors Fest реклама фестивалынын калыстар курамына киргендер:
Фархад Кучкаров - Борбордук Азиядагы AdAsia реклама сайтынын негиздөөчүсү, копирайтер жана Tomatdesign студиясынын стратегиячысы (Россия);
Ксения Лукичева – AdMe.ru редактору жана материалдардын автору, Россиядагы эң мыкты реклама сынчыларынын бири;
Владислав Деревянных - "Восход" рекламалык агенттигинин арт-директору (Россия);
Михаил Грушенков – Wireframe студиясынын негиздөөчүсү жана арт-директору (Россия);
Сергей Андрияшкин - АГТ агенттигинин маркетинг коммуникациялары боюнча директору (Россия);
Чингиз Сафаров – Safaroff креативдик агенттигинин негиздөөчүсү (Азербайджан);
Дарья Сапожникова – Petrogliph студиясынын арт-директору (Россия);
Руслан Туганов – Smartica Kazakhstan digital-агенттигинин өнөктөшү (Казахстан).
Эскерте кетсек, 17-июлда региондогу эң жакшы реклама конкурсуна иштерди кабыл алуу башталды, анда алты категория сунушталууда: "Рекламалык роликтер", "Дизайн", "Басма реклама", "Кампания", "Социалдык реклама", "Медиа". Иштерди 30 номинациянын бирине тапшырууга болот, алар менен расмий сайт www.jolbors.com сайтында таанышууга болот. Ошондой эле сайтта иштерди тапшыруу эрежелери жана алардын баалоо критерийлери тууралуу маалымат бар. Иштерди тапшыруу үчүн акыркы мөөнөт – 4-август.
"Фестиваль жыл ичинде биздин рынокто кандай иштер пайда болгонун жана алардын деңгээли кандай өскөнүн көрүүгө мыкты мүмкүнчүлүк берет. Рекламалык дүйнөдө таануу жана сыйлыктар маанилүү. Агенттиктер жана рекламалык адистер үчүн бул өздөрүнүн канчалык сапаттуу жана креативдүү реклама өндүрүп жаткандарын көрсөтүү мүмкүнчүлүгү. Бул аларга кардарларды тартууга жардам берет. Фестиваль аркылуу, биз борбордук Азиядагы реклама рыногун өнүктүрүүгө умтулабыз. Алгачкы жыйынтыктар да бар – жергиликтүү агенттиктер башка эл аралык фестивалдарда сыйлыктарды жеңип алышты. Бул региондогу реклама деңгээлинин өсүп жатканын билдирет", - деди Red Jolbors Fest уюштуучуларынын бири Дарья Суходолова.
Конкурска борбордук Азия өлкөлөрүндөгү рекламалык, коммуникациялык, креативдик агенттиктер, студиялар, бюролор жана digital-агенттиктер, бизнес-компаниялар жана фрилансерлер катыша алышат. Бир номинацияга бир ишти тапшыруу наркы $20.
Red Jolbors Festтин жалпы өнөктөшү мобилдик оператор Beeline, расмий өнөктөштөр – Quattro Media агенттиги, "Бир Бол" саясий партиясы, Park Hotel. Техникалык өнөктөш - ЗАО Saima Telecom.
