Түрк тилдүү өлкөлөрдүн кино күндөрү биринчи жолу Бишкекте өтүүдө.
Фестивалда беш фильм көрсөтүлүүдө. Бул Азербайжандык «Кызыл бакча», Казакстандык «Оралман», Түркиянын «Бидай» жана «Айла» фильмдери. Конкурсту Кыргызстандын мелодрамасы «Түнкү жекпе-жек» ачты, ал Эстониядагы эл аралык кинофестивалда Гран-при утуп алган.
«Бул окуя биз үчүн чоң мааниге ээ. Фестиваль биздин элдердин ортосундагы көп окшоштуктарды, жакындыгыбызды көрсөтөт. Мындан тышкары, мен бул жерде келечекте кызматташкысы келген чыныгы профессионалдарды таптым», – деди режиссер, сценарист жана продюсер Семих Капланоглу.
Фестиваль төрт күнгө созулат.
Фильмдердин көрсөтүүлөрү түрк тилдүү өлкөлөрдүн Парламенттик ассамблеясынын социалдык жана маданий маселелер боюнча алтынчы жыйынынын алкагында өтүүдө.
