Мамлекеттик салык кызматынын адистери салык режимдери, чийки зат, жарым фабрикаттар жана даяр продукцияны эсепке алуу боюнча талаптар, ошондой эле электрондук эсеп-фактура (ЭСФ) жана товар-транспорт накладнойун (ЭТТН) түзүү тартиби тууралуу маалымат беришти.
Салык кызматкерлери туура эсепке алуу жана электрондук документтерди колдонуу экспорттук рынокторго чыгуу жана маркетплейстер менен эффективдүү иштөө үчүн негизги экенин баса белгилешти.
Бишкек стандартташтыруу жана метрология борборунун (БЦСиМ) адистери ЕАЭБ 017/2011 Техникалык регламентинин талаптары, декларацияларды жана шайкештик сертификаттарын алуу процессин, лабораториялык сыноолорду өткөрүүнү, ошондой эле рынокто ийгиликтүү иштөө үчүн зарыл болгон документтер тууралуу кенен айтып беришти. Алар сертификаттоо процедураларын ийгиликтүү өтүү ЕАЭБ өлкөлөрүнүн рынокторуна кирүүгө мүмкүнчүлүк ачарын жана уюмдардын экспорттук мүмкүнчүлүктөрүн кеңейтүүгө көмөктөшөрүн баса белгилешти.
Талкууланган темалар
Кыргызстандын жеңил өнөр жайы кризисте: жүктөр Россия менен чек арада эмне үчүн токтоп калды?
Мындан тышкары, семинар катышуучуларына «Честный знак» маркировка системасы тууралуу маалымат берилди. Бул системанын негизги принциптери, коддорду алуу жана колдонуу тартиби, ошондой эле маалыматтарды контролдоо механизмдери талкууланды. Катышуучулар маркировканы киргизүү товар жүгүртүүсүнүн ачыктыгын арттырууга, мыйзамсыз импорттун тобокелдиктерин азайтууга жана экспорттук рыноктордо ишенимди бекемдөөгө жардам берерин белгилешти.
Экономика министрлигинде мындай окутуучу семинарлар туруктуу өткөрүлөөрү баса белгиленди.
