Жолугушуунун жүрүшүндө тараптар эл аралык саясаттын жана Кыргызстан менен Украина ортосундагы эки тараптуу мамилелердин ар кандай аспектилерин талкуулашты, ошондой эле өз ара кызыкчылык жараткан актуалдуу темалар боюнча пикир алмашышты.
Кыргыз тарап Украинадагы конфликтти мүмкүн болушунча тез арада жыйынтыктоонун зарылдыгын белгилеп, гуманитардык принциптерге негизделген саясий жана дипломатиялык жөнгө салууга багытталган эл аралык аракеттерди колдоорун билдирди.
Жолугушуунун жыйынтыгы боюнча тараптар талкууланган маселелер боюнча туруктуу жумушчу байланыштарга жана конструктивдүү кызматташууга даярдыктарын билдиришти.
