Кышкы жайыттарда калган адамдар жергиликтүү бийликке жана жарандык коргоо кызматына жардам сурап кайрылышты.
Жалал-Абад облусунун МЧС башкармалыгынын басма сөз кызматынын маалыматына ылайык, 2025-жылдын 21-декабрында 13 чарбада 26 адам жана 7 760 баш мал тамак-ашсыз калгандыгы тууралуу маалымат келип түштү. Алардын арасында 7 250 баш кичи мүйүздүү мал, 330 баш ири мүйүздүү мал жана 180 ат бар.
22-декабрда кырсык болгон жерге райондук жарандык коргоо кызматынын кызматкерлери кырдаалды мониторинг жүргүзүү үчүн жөнөп кетишти. Алдын ала маалыматтарга ылайык, жайыттарга жөө барып жетүүгө болот, бул үчүн болжол менен 50 километр аралыкты басып өтүү керек. Учурда кырдаал көзөмөлдө.
Токтогул районунун өзгөчө кырдаалдар бөлүмүнүн начальниги капитан А. Чаргыновдун жетекчилиги астында, Толук айыл өкмөтүндөгү жарандык коргоо кызматтарынын өкүлдөрү менен биргеликте штабдын чукул жыйыны өттү, анда оперативдүү чаралар кабыл алынды.
Токтогул райондук мамлекеттик администрациясынын маалыматы боюнча, жергиликтүү бийлик жайыттарда жаткан жарандарга жардам көрсөтүүнүн мүмкүн болгон жолдорун изилдөөдө. Алар менен телефон аркылуу байланыш кармалып турат.
