«Бул кабинет — жарандардын цифрдык көндүмдөрүн жана финансылык билим деңгээлин жогорулатууга багытталган заманбап демилге. Анын максаты — тургундарды технологиялык жаңылыктар менен тааныштырууга, финансылык чөйрөдө туура чечимдерди кабыл алууга үйрөтүүгө жана цифрдык кызматтарды натыйжалуу пайдалануу үчүн шарттарды түзүүгө багытталган», - деп айтылат билдирүүдө.
Иш-чарага Кыргызстандын БУУдагы туруктуу өкүлүнүн орун басары Патрик Хаверман, КР президентинин алдындагы Диндер жана этностор аралык мамилелер боюнча улуттук агенттиктин этникалык мамилелер башкармалыгынын начальниги Искендер Эшимбеков, мамлекеттик органдардын, жергиликтүү бийликтин, ОКС мүчөлөрүнүн, аялдар кеңештеринин жана жаштар уюмдарынын өкүлдөрү катышты.
Ачылыштын жыйынтыгы менен Аламедин райондук мамлекеттик администрациясынын социалдык коргоо, саламаттыкты сактоо жана билим берүү бөлүмүнүн начальниги Курманжан Кулманбетова демөөрчүлөргө ыраазычылык билдирип, андан аркы кызматташууга даяр экенин белгиледи.
