Бул иш-чаранын максаты — студенттердин адам укуктары, зомбулуктун бардык түрлөрүн алдын алуу чаралары, санариптик коопсуздук жана «Кыргыз жараны» концепциясынын принциптери боюнча билимдерин тереңдетүү.
Иш-чаранын алкагында мамлекеттик структуралардын, жаштар уюмдарынын, диний жана этникалык топтордун, ошондой эле эл аралык өнөктөштөрдүн күч-аракеттери бириктирилет. Бул Кыргызстандагы жаштар үчүн коопсуз жана инклюзивдүү чөйрөнү түзүү боюнча биргелешип иштөөгө мүмкүндүк берет. Иш-чара ошондой эле жаштар арасында лидерлик сапаттарды өнүктүрүүгө жана активдүү жарандык позицияны бекемдөөгө, ошондой эле социалдык биримдикти күчөтүүгө жардам берет.
Кыргызстан жаштары туруктуу жана коопсуз коомду түзүүдө өтө маанилүү роль ойнойт.
«Гендердик жана санариптик зомбулук, дискриминациялык практикалардын көбөйүшү жана стереотиптердин жайылышы сыяктуу өсүп жаткан чакырыктар шартында, жаштардын критикалык ой жүгүртүүнү, ар түрдүүлүккө урматтоо мамилесин өнүктүрүү, мамлекеттик саясатта диний чөйрөдөгү өз ара түшүнүүнү бекемдөө жана социалдык көйгөйлөрдү чечүүнүн жолдорун биргелешип издөө үчүн орундарды түзүү өтө маанилүү», — деп белгиленет расмий билдирүүдө.
