Форум дүйнөлүк Internet Governance Forum (IGF) инициативасынын бөлүгү болуп, БУУнун колдоосунда өтөт. Анын негизги максаты — санариптик технологиялар интернетке тең укуктуу кирүүнү камсыз кылууга жана Кыргызстандагы бардык жарандардын жашоо сапатын жакшыртууга кандайча жардам бере аларын изилдөө. Уюштуруучулар — Байланыш операторлорунун ассоциациясы, Кыргыз Республикасынын Санариптик өнүктүрүү жана инновациялык технологиялар министрлиги, ошондой эле Internet Development Organization (IDO).
Форумдун программасы үч негизги сессияны камтыйт, ар бири Кыргызстандын санариптик келечегинин негизги аспекттерин талкуулайт:
- Инфраструктура жана санариптик жеткиликтүүлүк. Биринчи сессиянын алкагында DCASA долбоорун ишке ашыруу, өлкөдөгү оптикалык талшықтуу байланыш линияларын кеңейтүү жана спутник интернетин жайылтуу маселелери талкууланат.
- Жаңы Санариптик кодекс боюнча санариптик чөйрөнү башкаруунун келечектери жана чакырыктары. Экинчи сессия Санариптик кодексин кабыл алуу менен байланышкан негизги жоболорго жана өзгөртүүлөргө көңүл бурат. Эл аралык эксперттер башка өлкөлөрдө интернетти мыйзамдык жөнгө салуу боюнча тажрыйбалары менен бөлүшөт.
- Инновациялар жана санариптик экономикадагы стартаптар. Үчүнчү сессия санариптик экономиканын потенциалын, криптоактивдерди пайдалануу жана финтех, санариптик валюталар жана электрондук платформалардын экономикалык өсүштөгү ролун талдоого арналат.
Форум интернет-домендерди жана номерлерди бөлүштүрүү корпорациясы (ICANN), IP-адресинин региондук интернет-регистратору (RIPE NCC), CAPS Unlock коомдук фонду сыяктуу өнөктөштөр тарабынан колдоого алынат, ал эми жалпы өнөктөшү MEGA Pay болуп саналат.
Кантип катышууга болот?Форумга каттоо расмий сайтта https://igf.kg/ жеткиликтүү, анда ошондой эле деталдуу программа жана башка маалыматтар жайгаштырылган.
Иш-чаранын программасы төмөнкү QR-код аркылуу да жеткиликтүү:
