Каттоо процесси Финансылык рынокту жөнгө салуу жана көзөмөлдөө кызматы (Финнадзор) тарабынан бир жума мурун өттү.
«Виртуалдык активдерди чыгарган акционердик коом» жаңы активдин эмитенти болуп калды, ал эми бул компаниянын жалгыз негиздөөчүсү Минфин болуп саналат.
Ошентип, USDKG Кыргызстанда сунушталган биринчи мамлекеттик санариптик актив болуп эсептелет.
Белгилей кетсек, Binance компаниясынын негиздөөчүсү Чанпэн Чжао, октябрь айынын аягында өлкөдө улуттук стейблкоиндин ишке киргизилгени тууралуу биринчи болуп маалымдаган.
Мурда президент KGST стейблкоинди ишке киргизүү жана санарип сомду тестирлөө боюнча буйрук берген. Бул маселе виртуалдык активдер жана блокчейн технологияларынын өнүгүү боюнча Улуттук кеңештин жыйынында активдүү талкууланды, анда Садыр Жапаров жана Чанпэн Чжао катышкан.
