Балыкчыда фитосанитардык коопсуздукту камсыздоо максатында лабораториянын курулушу башталды. Бул долбоор Ислам өнүктүрүү банкынын колдоосу менен ишке ашырылууда.
Агроөнөржай министрлигинин маалыматына ылайык, лабораторияны түзүү үчүн, жабдууларды, офис техникаларын жана мебель сатып алууга 350 миң доллар бөлүнгөн.
Химиялаштыруу, өсүмдүктөрдү коргоо жана карантин департаменти, Ислам өнүктүрүү банкы жана «ЮниХелп» компаниясы арасында кол коюлган келишимге ылайык, лабораториялык жабдуулар жана офис мебель сатып алууга 14 миллион 170 миң 121 сом бөлүнөт.
Бул лабораториянын курулушу Ысык-Көл жана Нарын облустарында фитосанитардык коопсуздукту камсыздоо үчүн маанилүү кадам катары каралууда.
Маалыматта жаңы лаборатория карантиндик зыянкечтерден келип чыккан зыянды азайтууга гана эмес, региондун экономикасын колдоого жана анын табигый ресурстарын коргоого жардам берет деп белгиленген.
