Ведомствонун маалыматына ылайык, лабораториянын курулушун, ошондой эле жабдууларды, офис техникасын жана мебель сатып алууну камтыган долбоордун жалпы баасы $350 миңди түзөт.
Департаменттин директору Максат Кочеровдун Ислам өнүктүрүү банкынын өкүлдөрү жана «ЮниХелп» компаниясы менен болгон жолугушуусунда лабораториялык жабдууларды, офис мебелин жана оргтехниканы сатып алуу боюнча 14 миллион сомдон ашык суммага келишим түзүлдү.
Бул лабораториянын ачылышы Ысык-Көл жана Нарын облустарында фитосанитардык коопсуздукту камсыздоодо маанилүү кадам болуп саналат.
Бул карантиндик зыянкечтерден келген зыянды азайтууга гана эмес, ошондой эле региондун табигый ресурстарын коргоо аркылуу экономиканы бекемдөөгө жардам берет. Лабораториянын заманбап жабдуулары айыл чарбасын өнүктүрүү, экспорттук потенциалды жогорулатуу жана экологиялык коопсуздукту камсыздоо үчүн маанилүү инструмент болуп калат.
